𝐊𝐈𝐓𝐔 𝐆𝐀𝐍𝐈 𝐊𝐈𝐍𝐀𝐓𝐎𝐊𝐄𝐀 𝐖𝐀𝐊𝐀𝐓𝐈 𝐖𝐀 𝐊𝐔𝐅𝐀

By -


Na Dr Elimina Chuma



Leo nita-share stori moja iliyotokea kipindi naanza kazi takribani miaka nane iliyopita.


Palikuwa na mama mmoja aliyekuwa na miaka 90 na alikuwa amelazwa kwa sababu ya moyo wake kushindwa kufanya kazi vizuri.  Tatizo hilo lililotokana na kuwa na shinikizo la juu la damu kwa miaka mingi. Wakati analetwa alikuwa amevimba miguu na alikuwa analala akiwa amekaa. Siku za mwanzoni alikuwa kwenye oksijeni lakini baadae alitolewa baada ya kupata nafuu; kila saa alikuwa anasema, “jamani nimechoka mwenzenu, nitakuja hospitali hadi lini?”


Ilipita kama wiki mbili hivi yule mama akiwa bado wodini, nakumbuka ilikuwa jumanne na nilikuwa zamu siku hiyo. Nilipita round wodini pamoja na daktari mkuu wa  hospitali ile. Yule mama alikuwa amepata nafuu sana, miguu ilikuwa imenywea, alikuwa anapumua kawaida na kila kitu chake kilikuwa kawaida. Tulipanga kumruhusu kwenda nyumbani kesho yake. Baada ya kuwaona wagonjwa wa wodini nilielekea kliniki kuona wagonjwa wa nje. Nikiwa kliniki, muda mfupi tu baada ya round,  alikuja nesi mbio mbio akiita, “Dokta, dokta, yule mama kabadilika”.  Niliinuka haraka sana kurudi wodini. Nilikuta yule mama hapumui na mapigo yake ya moyo yalikuwa yanasikika kwa mbali sana. Tulipigania maisha yake sana na baada ya muda alirudi kawaida. Alipozinduka alinishika mkono akaniambia, “Mwanangu nakushukuru, nilikuwa kwenye shimo refu kuna majitu yana nguvu yalikuwa yananivuta lakini wewe ukawa hukubali kuniachia, ulikuwa unanivuta kwa nguvu sana mpaka ukanitoa”. Mama huyu alifariki asubuhi ya siku iliyofuata, siku ambayo ilitarajiwa kwamba angetoka wodini kwa sababu alikuwa amepata nafuu kubwa sana. 


Ninamkumbuka sana kwa sababu aliniachia maswali mengi ninayojiuliza mpaka leo, je mtu akikaribia kufa anafahamu? Wakati mtu anakufa anaona vitu gani? Baada ya kufa tunakwenda wapi? 


Umewahi kusikia stori zingine za watu waliopitia matukio ya kukaribia kufa/waliokufa halafu wakarudi? Share kwenye comments.

Comments

Post a Comment

Popular posts from this blog

MAANA HALISI YA USHOGA WA KISIASA, OGOPA KAMA UKOMA, EPUKA KUTUMIKA

By -
MAANA HALISI YA USHOGA KATIKA SIASA. Wapendwa wasomaji wa makala zangu kwanza kabisa niaze kwa salamu, shikamoni wakubwa, habari za leo na hamjambo mlio wadogo kwangu. Ni tumaini langu mu wazima huku mkiendelea kushangilia umasikini tulionao. Awali ya yote ningependa kutoa ufafanuzi kidogo juu ya ushoga japo niliwahi kuandika andiko la kufanana na hili mwaka wa jana mwenzi wa kumi na moja, wengi walikimbilia kutukana tu bila kuangalia maudhui ya andiko nilichokiandiko ndicho kinachoendelea hivi sasa inshallah tuachane na hayo. Nisikuchoshe usinichosha"Ushoga"una maana kuu mbili nijuavyo mm na wachache au wengi wetu. Maana ya kwanza ushoga ni tabia ya mwanaume kuingiliwa kinyume cha maumbile na mwanaume mwenzake yaani mwanaume kuingizwa uume na mwanaume mwenzake kwenye tundu la kutolea haja kubwa (kinyesi) . Hali hii humfanya mtu anayeingizwa kujikuta kuhitaji mara kwa mara kutokana na muwasho anaoupata siku chache baada ya tendo hilo chafu na ovu, kwani wadudu/bacteria
Read more

KILIMO CHA NYANYA

By -
Image
KILIMO CHA NYANYA NCHINI TANZANIA Na Goliath Mfalamagoha Wahenga wanasema  “kilimo ni uti wa mgongo” ikiwa na maana kilimo ndio nguzo kuu ya maisha ya mwanadamu pia nami sipingani na kauli hii ya wahenga wetu japo kwa miaka hii ya karibuni imekuwa kinyume na kauli mbiu hii ya wahenga.Nami ningependa kuangazia zaidi juu ya kilimo cha nyanya ambalo ni zao kuu aina ya mbogamboga au tunda  ,nyanya inalimwa sana mikoa ya iringa ,Morogoro,Arusha,Shinyanga n.k .   Mkulima wa nyanya katika kijiji cha Mgama Bwana Raphael Kihongosi, akifurahia zao la nyanya shambani kwake, anasema pamoja na elimu yake aliyoipata ya Iniformation technology (IT)  lakini kwake kilimo ndio baba na mama, hajutii kuwa mkulima japo changamoto ni nyingi. Kuna aina kuu mbili za nyanya ambazo ni  nyanya ndefu na nyanya fupi hivyo wakulima hulima kutegemea na aina ipi inastawi zaidi katika eneo lao na urahisi wa kuzitunza,japo asilimia kubwa hupendelea  nyanya ndefu kwa sababu fupi huhitaji matunzo makubwa sana
Read more

SABABU ZA WASOMI KUWA MASIKINI

By -
KWANINI WASOMI WENGI NI MASIKINI NA WANAISHI MAISHA MAGUMU? Ukichunguza katika jamii zetu, utabaini kuwa sehemu kubwa ya matajiri ni wale ambao wana elimu ndogo ama hawakusoma kabisa. Katika miji na maeneo yote; wenye majengo ya maana, wenye makampuni makubwa, wenye utitiri wa malori na mabasi, wenye maduka makubwa ni wale wa "darasa la saba B", ama ambao hawakuingia kabisa darasani. Wasomi wengi wana maisha ya kawaida (yaani yale ya kiwango cha kubadilisha mboga, wakijitahidi sana wanaishia kujenga nyumba za kuishi na magari ya kutembelea baaasi tena kwa mikopo!). Na tena wapo wasomi wengi tu wanaoishi kimasikini (kistaarabu tunaita wana maisha ya kuungaunga). Kiukweli idadi ya wasomi walio matajiri ni ndogo sana. Umasikini wa wasomi wengi umeanzia huko shuleni na vyuoni wanakopatia usomi wao. Madarasani kuna mambo mawili wanafundishwa wasomi ambayo ndio yanayowaroga. Mosi; wameelezwa na kuaminishwa kwamba yule anaepata maswali yote kwa usahihi ndio anaone
Read more